UPDATE SA PINES PUMPING STATION OPERATION

From Oroquieta City Water District

UPDATE SA PINES PUMPING STATION OPERATION

Sama sa pahayag sa OCWD nga inyong nadungog sa kahanginan pinaagi sa mga radio stations diri sa atong dakbayan, ang maong buhatan nagahimu sa tanang pwede mabuhat arun mapadali ang pagbalik sa supply sa tubig sa mga apektadong lugar, tungod sa pagkasunog sa submersible pump o bomba sa PINES pumping station. Tuod pa, nakapalit na kita og bag-ong bomba og kini na install na kagahapon pinaagi sa atong mga lakang nga kini mapalit ubos sa probisyon sa EMERGENCY PROCUREMENT sa atong Procurement Law sa nasud.

Apan bisan pa sa atong partial success sa pagtaud niini, ang VFD o Variable Frequency Drive o Panel Board nga maoy mu-control o mu-regulate sa voltahe sa kuryente padung sa bomba arun ma protektahan kini sa lain napod nga pagkasunog na delay ang delivery. Sa dili malikayang panghitabo, ang delivery flight nga padung unta sa Ozamiz gi REROUTE sa Cagayan De Oro (CDO) sa rason nga wala kabalo ang OCWD. Tungod niini, mi demand ang atong buhatan nga kuhaon sa supplier ang maong VFD sa CDO ugma dayon, arun masupplyan ang mga katawhan nga nanginahanglan sa atong serbisyo sa tubig.

Sa pagka karon, among gitinguha nga makapadayon kita ug rasyon sa tubig apan ang CDRRMO firetruck nagpahibalo nga kini under repair og ang REACT firetruck aduna pod pagahimuon ugma nga adlaw. Busa mabalik ang rasyon sa Merkulis sa buntag.

Daghang Salamat.