ASF ningkalat na Region 10

Maayong buntag kanatong tanan!

Among gikasubo nga ang kaso sa ASF sa atong rehiyon ningkalat na as per public announcement ni Regional Executive Director Carlene Collado of DA-RFO10 kagahapong adlawa.

Aside sa Iligan City, ang bag-ong mga lugar nga apektado sa maong sakit sa baboy karon kay ang Manticao, Initao og Cagayan de Oro City nga sakop sa Probinsya sa Misamis Oriental.

Kita dri sa Probinsya sa Misamis Occidental, kinahanglan atong hugtan pa ang atong probinsya sa pamaagi nga magtinabangay kita og pagbantay. Sa kanunay, among gihangyo ang tanang namuhi og baboy sa pag-undang og pagbahug sa "PASAW" sa inyong mga baboy kay tungod mao kini ang dakong rason nganong mikuyanap ang sakit nga ASF.

Sa laing bahin, among gihangyo ang tanang namaligya og "PORK PROCESSED FOODS" sa paglikay og pamaligya sa maong produkto kung kini gikan sa lugar nga apektado sa ASF. Aduna kitay mga gikinahanglang dokumento sa pagpamaligya nga nka-state sa atong Executive Order 128 S 2020 ilabina kung kini inyong ibaligya online.

Alang sa tanan, amo kamong gihangyo sa pagreport dayon sa inyong barangay, City Veterinary Office, City/Municipal Agricture Office o kaha sa atong buhatan kung aduna kamoy mga nasinati nga pagkamatay sa inyong mga baboy.

Dili nato tugutan nga magpadayon ang pagtaas sa presyo sa karneng baboy. Atong paningkamutan og i.ampo nga maluwas ang atong probinsya sa ASF.

Daghang salamat and God bless everyone!

Source: PVet Misamic Occidental

https://www.facebook.com/102924101536894/posts/222224109606892/?d=n