3 MORE OZAMIZNON LSI’s TESTED POSITIVE OF COVID 19

Update from Mayor Ando Oaminal FB page of Ozamiz City


IMPORTANT ANNOUNCEMENT:


Maayong gabii sa tanan. Karong gabhiuna, aduna napud nadugang nga tulo (3) ka mga Ozamiznons nga nag-positive sa COVID-19. Puros sila ASYMPTOMATIC.


Duha (2) ka returning Ozamiznons nga parehong Locally Stranded Individuals (LSI) ang miuli sa atong dakbayan sa Ozamiz gikan sa Cebu ang nag-positive sa COVID-19. Pag-abot nila sa atong dakbayan, nakita nga positive ang ilang rapid test results, mao nga gipailalom nato sila diretso sa RT-PCR (Swab test) ug gi-isolate sa SM LAO hospital. Karon, nigawas ang ilang swab test results nga positive sila sa virus.


Ang usa ka COVID positive nga pasyente, anaa nag-home quarantine sa iyang balay sa Barangay Calabayan. Human sa 14-day mandatory quarantine niini, mipailalom kini sa rapid test, ayha ipagawas, kay mandato gayud kini sa LGU-OZAMIZ nga mag REPEAT RAPID TEST aron panigurado. Apan, pag rapid test niini, migawas nga positive siya mao nga gi-swab ug karon migawas nga positive usab siya sa virus base sa SWAB TEST. Karon anaa sa SM LAO hospital ug didto gi-isolate. Wala kini siya nakagawas gyud sa iyang balay samtang ga-home quarantine pa siya.


Kining mga nag-positive karon nga adlaw, daghan ni sila nga mga LSIs ug ROFs nga kuyog nila sa barko ug sa eroplano. Dili kini taga-Ozamiz, pero taga-Misamis Occidental lamang. Manghinaot kita nga ang ilang mga kauban sa barko ug eroplano wala ra nangatakdan kay dili kita gusto nga maglisod ang mga tawo sa atong probinsya.


Mga kaigsoonan, anaa kita karon sa Modified General Community Quarantine o MGCQ diin mandato kini sa atong Presidente Rodrigo Roa Duterte. Bisan man anaa lang kita sa MGCQ, unta kita nalang mismo mag-inestrikto sa pagtuman gayud sa mga health protocols sa atong lugar.


Mag-expect usab kita nga daghan pang moabot nga LSIs and ROFs sa mga sunod nga mga semana dinhi sa atong dakbayan, mao nga kinahanglan namo tanan inyong bug-os nga suporta ug kooperasyon nga magtuman gayud sa among mga gipanghangyo kaninyo.


Makapasalig kami kaninyo nga kami inyong mga lideres nga kontrolado namo ang sitwasyon apan gikanahanglan gayud namo ang kooperasyon ug supporta sa tanan.


Palihog sunda ang strict health protocols sa atong dakbayan:


1. Mag-obserbar sa 1-meter SOCIAL DISTANCING.

2. Kanunay nga pag suot sa FACE MASKS.

3. Mag-anad sa paghugas sa kamot.

4. MAGPUNDO SA BALAY kung walay angay lakwon.


Magkahiusa kita sa Pagbangon! Asenso Ozamiz!


#WeHealAsOne

#UnityIsKey

#FightCOVID19together

#AsensoOzamiz

6 views0 comments